SARS-CoV-2 ვირუსის გავრცელების ახალი მოდელისა და უსაფრთხოების მართვის საკითხების შესახებ
Article Sidebar
Main Article Content
ანოტაცია
სტატიაში შემოთავაზებულია SARS-CoV-2 ვირუსის გავრცელების ახალი მათემატიკური და კომპიუტერული მოდელები, რომლებიც აგებულია საქართველოს ხელისუფლების მიერ მიღებული ეპიდემიასთან ბრძოლის პროტოკოლის გათვალისწინებით. მოდელებში გათვალისწინებულია რეინფიცირების შემთხვევები იმუნიზაციისა თუ გადატანილი დაავადების მიუხედავად. მიღებულია არაწრფივ, არაერთგვაროვან დიფერენციალურ განტოლებათა სისტემა ცვლადი კოეფიციენტებითა და საწყისი მნიშვნელობებით. შემოთავაზებულ მათემატიკურ მოდელში გამოყოფილია სამართავი პარამეტრები ქვეყანაში ლოკდაუნის წარმართვის ხარისხის გათვალისწინებით. დასმულია ოპტიმალური მართვის ამოცანა. მიზნის ფუნქცია აფასებს ფინანსურ დანახარჯებს ლოკდაუნისა და ეპიდემიის სხვადასხვა ხასიათის შემთხვევაში. ოპტიმალური ამოცანის ამოხსნის შედეგად შესაძლებელია შეირჩეს ლოკდაუნის ისეთი ვარიანტი, რომლის შედეგადაც არ ხდება სამედიცინო სისტემისა და სახელმწიფო ბიუჯეტის კოლაფსი, ამასთან, დაცულია მოსახლეობის უსაფრთხოება.
განხილულია და გამოკვლეულია აგებული მათემატიკური მოდელის მუდმივკოეფიციენტებიანი ვარიანტი. შესაბამისი კომპიუტერული მოდელი აღწერილია MatLab-ის (მათლაბის) M-ენაზე და ჩატარებულია კომპიუტერული ექსპერიმენტი. ლოკდაუნის სხვადასხვა რეჟიმებისთვის ნაპოვნია ინფექციის გავრცელების მაჩვენებლების მნიშვნელობები-: კლინიკებში პაციენტების, კარანტინში მყოფთა, ჯანმრთელი იმუნიტეტის მქონე პირთა, ინფიცირებულთა, გარდაცვლილთა რაოდენობა.