კატიონთა I ანალიზური ჯგუფის შესწავლის მეთოდიკა
Article Sidebar
Main Article Content
ანოტაცია
ნაშრომში განხილულია ქიმიის სწავლების მრავალწლიანი გამოცდილების საფუძველზე ჩამოყალიბებული I ანალიზური ჯგუფის კატიონების K+, Na+,NH4+ ანალიზის, თვისებების, მნიშვნელობისა და გამოყენების შესწავლის ძირითადი მეთოდები და პრინციპები, რომლებიც უნდა განხორციელდეს უნივერსიტეტებში ქიმიის კურსის მოდერნიზაციისათვის.
წარმოდგენილია სწავლების პროცესის მიმდინარეობის 6 ეტაპი: კავშირი ატომის აღნაგობასა და ელემენტების, მათი ნაერთების თვისებებს შორის, მათი ბიოლოგიური როლი, I ანალიზური ჯგუფის მეტალთა კატიონების გამოყენება მედიცინაში, იდენტიფიკაციის კერძო რეაქციები, საკონტროლო ამოცანა - I ჯგუფის კატიონთა ანალიზის მსვლელობა, ანალიზური ჯგუფის კერძო რეაქციებისა და ნარევის ანალიზის შედეგების გაფორმება სქემების მიხედვით.
მიზნის მისაღწევად სტუდენტი ჩართულია კვლევა-ძიების პროცესში, ეცნობა კვლევის არსს, განსაზღვრავს კვლევის ეტაპებს და ღრმად გაიაზრებს მის შედეგებს, ამავდროულად ჩასწვდება მის მნიშვნელობას, ეძლევა ნასწავლი ინფორმაციის გაგების, გააზრებისა და ინტერპრეტაციის შესაძლებლობა, უვითარდება მეთოდებისა და სტრატეგიების პრაქტიკულად გამოყენების, ექსპერიმენტულ სამუშაოებთან დაკავშირებული რისკფაქტორების განსაზღვრის, დასახული მიზნის შესაბამისი სხვადასხვა ტიპისა და სირთულის შერჩევისა და შედგენის უნარჩვევები.
ანალიზური ქიმიის სწავლების პროცესში ასეთი მეთოდური მიდგომა მნიშვნელოვანია პრაქტიკული სამუშაოს ეფექტიანი წარმართვისა და უსაფრთხო გარემოს უზრუნველსაყოფად.