საერთაშორისო საინვესტიციო ინსტიტუტების მონაწილეობით პოლიტიკური კონფლიქტების გადაწყვეტის ერთი მათემატიკური და კომპიუტერული მოდელის შესახებ
Article Sidebar
Main Article Content
ანოტაცია
განხილულია პოლიტიკურად დაპირისპირებულ ორ მხარეს შორის ეკონომიკური თანამშრომლობის გზით კონფლიქტის გადაწყვეტის მათემატიკურ მოდელი, სადაც მხარეების აგრესიულად განწყობილ ნაწილებზე საერთაშორისო ინსტიტუტების (საინვესტიციო ფონდები) მხრიდან ხორციელდება ეკონომიკური დაინტერესება (პოლიტიკური ზეწოლის ერთერთი მეთოდია), რათა მათ აიძულონ თანამშრომლობა, ასევე შესრულებულია განხილული მოდელის კომპიუტერული მოდელირება ცვლადი კოეფიციენტების შემთხვევაში პროგრამული გარემო MATLAB-ის მეშვეობით. მათემატიკურ მოდელებში მოსახლეობის და მართვის ცვლადი პარამეტრები აღებულია ექსპონენციალური, ხარისხოვანი და ტრიგონომეტრიული ფუნქციების სახით, ასევე გათვლებისას დაფიქსირებულია ორივე მხარის მოსახლეობის ის რაოდენობა, რომელსაც თავიდანვე სურს თანამშრომლობა და კონფლიქტის განხილვის პერიოდი. მონაცემების მიხედვით, ნაპოვნია კოეფიციენტების ისეთი შემთხვევები, როდესაც წყდება კონფლიქტი. განხილულია რამდენიმე ვარიანტი სხვადასხვა დემოგრაფიული ფაქტორისა და კონფლიქტის გადაწყვეტის პერიოდისა. ნაჩვენებია, თუ როგორ იცვლება კოეფიციენტების ცვლილებისას კონფლიქტის გადაწყვეტის დრო და მოსახლეობის რაოდენობა კონფლიქტის გადაწყვეტის მომენტში, ასევე, კოეფიციენტებს შორის ურთიერთკავშირი. შესრულებულია მიღებული შედეგების გრაფიკული ვიზუალიზაცია.