ალტერნატიული ტურიზმი, მდგრადი ტურიზმის კონტექსტში
Article Sidebar
Main Article Content
ანოტაცია
თანამედროვე მსოფლიოში ტურიზმის მიმართ მიდგომები მუდმივი მსჯელობის საგანია. ბოლო დროს სულ უფრო და უფრო მეტი კრიტიკული აზრი გამოითქმის მასობრივი ტურიზმის, გარემოზე ნეგატიური ზემოქმედების შესახებ. მომავლის ტურისტული ბაზრის განვითარება განიხილება ტურიზმის ალტერნატიული ფორმების მეშვეობით.
ალტერნატიული ტურიზმის განვითარების პრობლემები, როგორც მდგრადი ტურიზმის კონცეფციის საკვანძო ნაწილი, მნიშვნელოვნად განსხვავდება ქვეყნებში, ეკონომიკურ, სოციალურ და გარემო ფაქტორების გათვალისწინებით. ალტერნატიული ტურიზმი აერთიანებს ტურისტულ პროდუქტებს ან ინდივიდუალურ ტურისტულ სერვისებს, რომლებიც განსხვავდება მასობრივი ტურიზმისგან მიწოდების, ორგანიზაციისა და ადამიანური რესურსების მეშვეობით. ალტერნატიული ტურიზმი არის მდგრადი განვითარების პრაქტიკის გამოყენება ტურიზმისთვის იმ რეგიონებში, სადაც ტურიზმი არჩეულია ეკონომიკური განვითარების ფაქტორად. დღეისათვის, ალტერნატიული ტურიზმის კონკრეტული ფორმების პოპულარობა, როგორიცაა “ეკოტურიზმი”, “მოხალისე ტურიზმი” და “ვოლუნტურიზმი” მნიშვნელოვნად გაიზარდა. ტურიზმის განვითარება, როგორც მსოფლიო ქვეყნებში ასევე საქართველოშიც განიხილება, როგორც მდგრადი განვითარების ინსტრუმენტი სხვადასხვა სამთავრობო პროგრამებისა და სტრატეგიების მეშვეობით.