ინფექციური დაავადებები და მათან დაკავშირებული რწმენა-წარმოდგენები აფხაზეთში
Article Sidebar
Main Article Content
ანოტაცია
თანამედროვე აფხაზეთის მოსახლეობის ტრადიციულ რწმენა-წარმოდგენათა შორის საყურადღებოა ინფექციური დაავადებები - ბატონები და მასთან დაკავშირებული წეს-ჩვეულებები. ბატონები ინფექციური დაავადებების ზოგადი სახელწოდებაა, რომელიც საქართველოს თითქმის ყველა კუთხეშია გავრცელებული. ბატონების ტიპის სნეულებათა სახელებს ტრადიციულ საზოგადოებებში მოკრძალებით ახსენებდნენ, რაც მათ ღვთაებრივ ბუნებაზე მიანიშნებდა. ეთნოგრაფიული მასალებით ბატონები ღვთისაგან გამოგზავნილი ანგელოზებია, რომელთა მოვლისა და განკურნების სრულიად განსხვავებული წეს-ჩვეულებებია შემორჩენილი. ბატონების დაბრძანებისას ავადმყოფს იზოლირებულ ოთახში აწვენდნენ და ცდილობდნენ მისი ყველა სურვილის დაკმაყოფილებას. თუ ბატონები გაბრაზდებოდნენ და ავადმყოფი შეწუხდებოდა, სრულდებოდა მობოდიშების რიტუალი.
აფხაზეთში ბატონებთან დაკავშირებით, ისევე, როგორც მთელ საქართველოში მდიდრი რწმენა-წარმოდგენები და წეს-ჩვეულებებია დამოწმებული, რაც ამ დაავადებათა განსაკუთრებული ბუნებითაა განპირობებული. ბატონებს განასხვავებდნენ სირთულის, სიმძიმის მიხედვით. თითოეულ დაავადებას თავისებური სიმპტომი ახასიათებდა და გართულების შემთხვევაში შეიძლებოდა რამოდენიმე წლითაც დარჩენილიყვნენ ავადმყოფთან.